Gizakion burmuineko atal batzuk bakarrik hizkeran espezializatuak daude

Ikerketa batean azaldu berri da gure burmuinean hizkeran bakarrik lan egiten duten atal batzuk daudela.

Espezifizitate funtzionalaren arabera, burmuineko atal bakoitzak, funtzio ezberdinak ditu. Zientzialariak badakite espezifizitate funtizonala existitzen dela. Adibidez, sistema motoreari dagokionez, neurona talde bat badago ezkerreko eskuaren hatzamarrak kontrolatzen dituena eta beste talde bat mihiaren mugimenduak kontrolatzeko. Baina, zer gertatzen da funtzio konplexuagoen kasuetan? Burmuinak erabilera anitzeko eskualdeak jartzen ditu martxan edozein lan kognitibo burutzeko?

Hizkera gizakiok bakarrik erabili dezakegun gaitasun kogniboa da eta giza-kultura guztietan ikusten dugu, beraz, normala da pentsatzea burmuinean monopolio bat egongo dela. Irudi bidezko erresonantzia magnetiko funtzionalaren bidez, burmuineko aktibitate neuronala neurtu da, baina emaitzak ez dira esanguratsuak izan. Hala ere, ikerketa askoren arabera, hizkuntzan espezializatuta dauden burmuin-eskualdeak existitzen dira baina oso zaila izan da frogatzea atal hauek hizkuntzari bakarrik eskeinita dauden edo ez.

Ikerketa honetan teknika berritzaile bat erabili dute eta honen arabera, hizkuntzan espezializatuta dauden eskualde txiki batzuk aurkitu dira eta hauek egoera normalean ez dira ezertarako gehiago erabiltzen.